HOTNEWSვიდეოპოლიტიკა

გახარია:ჯანდაცვის სისტემა სრულად არის მზად, იმ შემთხვევაში, თუ საქართველოში გამოვლინდება კორონავირუსი

 გიორგი გახარიამ მთავრობის დღევანდელ სხდომაზე კორონავირუსის პრევენციის მიზნით, ჯანდაცვის სამინისტროს მიერ გადადგმულ ნაბიჯებზე ისაუბრა.

გახარიას თქმით, ჯანდაცვის სამინისტრო ამ შემთხვევაში მაკოორდინირებელი ორგანოა. პრემიერმა შესაბამის უწყებებს სთხოვა, აღნიშნული მიმართულებით ქმედებები სრულად ჰქონდეთ კოორდინირებული ჯანდაცვის სამინისტროსთან.

„მინდა, ხაზგასმით აღვნიშნო ის გარკვეული და ეფექტური ნაბიჯები, რომლებიც ჯანდაცვის სამინისტრომ გადადგა კორონავირუსის წინააღმდეგ მიმართული ქმედებების თვალსაზრისით. ჯანდაცვის სამინისტრო არის ამ მიმართულებით მაკოორდინირებელი ორგანო და შესაბამის უწყებებს მინდა, ვთხოვო, შესაბამისი ქმედებები სრულად ჰქონდეთ კოორდინირებული ჯანდაცვის სამინისტროსთან.

ჩვენ მივიღეთ პირველ რიგში გადაწყვეტილება, რაც ნიშნავს ჩინეთის სახალხო რესპუბლიკიდან პირდაპირი საავიაციო მიმოსვლის დროებით შეწყვეტას და შესაბამისად, ეს იყო ყველაზე ქმედითი ნაბიჯი, რომელიც დღეს შეგვეძლო, გადაგვედგა“ ,- განაცხადა გიორგი გახარიამ.

ამასთან, გახარიას თქმით, ჯანდაცვის სისტემა დღეს სრულად არის მზად, საქართველოში კორონავირუსის გამოვლენის შემთხვევაში, ამ გამოწვევას  ეფექტურად უპასუხოს.

„ჯანდაცვის სისტემა დღეს სრულად არის მზად, იმ შემთხვევაში, თუ საქართველოში გამოვლინდება მსგავსი ვირუსი, შესაბამისად და ეფექტურად უპასუხოს ამ გამოწვევას“ ,- განაცხად გიორგი გახარიამ.

მეტის ჩვენება
Back to top button